माघ २५, काठमाडौं – आईसीसी विश्वकप क्रिकेट लिग २ अन्तर्गतको त्रिकोणात्मक शृंखलामा आज नेपालले अमेरिकासँग प्रतिश्पर्धा गर्दैछ ।
आज विश्वकप क्रिकेट लिग २ मा नेपालले दोस्रो खेल खेल्न लागेको हो । यसअघि बुधबार खेलिएको पहिलो खेलमा नेपाल ओमानसँग १८ रनले पराजित भएको थियो ।
त्रिकोणात्मक शृंखलामा हालसम्म ओमानले दुई तथा नेपाल र अमेरिकाले एक, एक खेल खेलेका छन् । ओमान दुवै खेलमा विजयी भएको छ ।
बिहीबार खेलिएको खेलमा ओमानले अमेरिकालाई ६ विकेटले हराएको थियो । कीर्तिपुरस्थित अन्तर्रा्ष्ट्रिय क्रिकेट मैदानमा आज नेपाल र अमेरिकाबीच शृंखलाको तेस्रो खेल हुन लागेको हो। खेल विहान ९ः३० देखि सुरु हुनेछ ।