माघ २२ काठमाडौं । सुनचाँदीको भाउ घटेको छ । नेपाल सुनचाँदी व्यवसायी महासंघले बुधबारका लागि छापावाल सुन प्रति दशग्राम ६४ हजार ४ सय ७० अर्थात् तोलाको ७५ हजार २ सय कायम गरेको छ ।
मंगलबारको तुलनामा आज सुनको भाउमा तोलामा ८ सय रुपैयाँले कमी आएको हो । मंगलबार तोलाको ७६ हजार रुपैयाँमा कारोबार भएको थियो ।
यस्तै तेजाबी सुनको भाउ पनि घटेर तोलाको ७४ हजार ९ सय कायम भएको महासंघले जनाएको छ । मंगलबार तेजाबी सुन तोलाको ७५ हजार ७ सयमा कारोबार भएको थियो ।
चाँदीको मूल्यमा पनि तोलामा ५ रुपैयाँले कमी आयो । आज चाँदीको प्रतितोला ८ सय ७५ रुपैयाँमा बिक्री भैरहेको महासंघले जनाएको छ । मंगलबार तोलाको ८ सय ८० मा कारोबार भएको थियो ।