माघ २२, काठमाडौं – चलचित्र चलचित्र ’प्रेम गीत ३’ को पहिलो गीत सार्वजनिक भएको छ ।
मङ्ग्लबार चलचित्रको ’हात्ती ढुङ्गामा’ बोलको गीत सार्वजनिक गरिएको हो । सागर आले र मेलिना राईको स्वर रहेको गीत हर्क साउदले लेखेका हुन भने गीतमा सङ्गीत कल्याण सिंहले भरेका हुन् ।
चलचित्रका मुख्य कलाकार प्रदीप खड्का, क्रिस्टिना गुरुङ, सुनिल थापा लगायत फिचर्ड छन् । गीतमा सबै कलाकारलाई निकै फरक अवतारमा प्रस्तुत गरिएको छ ।
सार्वजनिक गीतको भिडियोलाई कबिराज गहत राजले नृत्य निर्देशन गरेका हुन् । आगामी चैत २८ गते देशव्यापी रूपमा प्रदर्शनमा आउने चलचित्रमा नव(अभिनेत्री क्रिस्टिना गुरुङ, प्रेम पुरी, लक्ष्मी बर्देवा, सुनिल थापा, सन्तोष सेन, माओत्से गुरुङ, पुष्कर कार्की, अनुभव रेग्मी, संवृद्धि शाही ठकुरीलगायतका कलाकारहरूको पनि अभिनय रहनेछ ।