माघ १४, काठमाडौं – सावित्रा भण्डारी चम्किएको खेलमा गोकुलम केरेलाले भारतको हिरो महिला लिग फुटबलमा प्रभावशाली जित निकालेको छ ।
मंगलबार दिउँसो भएको समूह बीको खेलमा सावित्राको पाँच गोलमा गोकुलमले केन्क्री फुटबल क्लबलाई १०–१ गोल अन्तरले पराजित गरेको हो ।
सूरुवातदेखिनै दबाब बनाएको गोकुलमले पहिलो हाफमै ७ गोल गरेको थियो ।
सावित्राले पाँच गोल गर्दा करिष्माले ह्याट्रिक गरिन् । मनिषा र ग्रेसीले एक एक गोल गरे । सौम्या गुलुलोटले एक सान्तव्ना गोल फर्काईन् ।
सावित्राको गोलमा गोकुलमले भारतीय महिला लिगमा कीर्तिमानी जित निकालेको हो ।