पुस २८, काठमाडौ -गोकर्णेश्वर नगरपालिका ५ जम्बुडाँडाबाट ज्यान मुद्दाका एक आरोपी पक्राउ परेका छन ।
सिन्धुपाल्चोक जुगल गाउँपालिका घर भई हाल गोकर्णेश्वर नगरपालिका ८ अत्तरखेल बस्ने ३० वर्षीय बिष्णु तामाङ आइतबार साँझ पक्राउ परेका हुन।
महानगरीय प्रहरी वृत्त बौद्धबाट खटिएको प्रहरीलाई देखि भाग्दै गरेका उनलाई बाँया खुट्टामा १ राउण्ड गोली प्रहार गरी प्रहरीले पक्राउ गरेको जनाएको छ।
पक्राउ तामाङलाई उपचारको लागि वीर अस्पताल लगिएको र अवस्था सामान्य रहेको महानगरीय वृत्त बौद्धले जनाएको छ ।
यस सम्बन्धमा प्रहरीले उनलाई अनुसन्धान गरिरहेको वताएको छ ।