पुस २७, काठमाडौं – कैलाली प्रहरीले चोरीका गहना र नगदसहित ६ जनालाई पक्राउ गरेको छ ।
पक्राउ पर्नेमा वीरगञ्ज उपमहानगरपालिका घर भएका ४० वर्षीया रन्जु मुसहर, ७० वर्षीया कलमी मुसहर, १८ वर्षीया उषा मुसहर, ६० वर्षीय जोगिन्द्र मुसहर, ३० वर्षीय जितेन्द्र मुसहर र २० वर्षीया वविना मुसहर छन् ।
फरक–फरक स्थानबाट पक्राउ परेका उनीहरुको साथबाट चोरीका गहना र ७० हजार रुपैयाँ नगद बरामद भएको जिल्ला प्रहरी कार्यालय कैलालीले बताएको छ ।
पक्राउ परेकाहरू सार्वजनिक ठाउँमा माग्दै हिँड्ने गरेको पाइएको प्रहरी प्रवक्ता बस्नेतले बताए। चोरीमा अरू पनि संलग्न रहेको हुनसक्ने प्रहरीले जनाएको छ ।