पुस २७, काठमाडौं – मछिन्द्र क्लब जाउलाखेल युथ क्लबलाई हराउँदै शहीद स्मारक ‘ए’ डिभिजन लिग फुटबलको शीर्ष स्थानमा उक्लेको छ ।
त्रिपुरेश्वरस्थित दशरथ रङ्गशालामा शनिबार भएको खेलमा मछिन्द्रले जाउलाखेललाई १–० गोलले पराजित गरेको हो । मछिन्द्रका लागि विशाल राईले निर्णायक गोल गरेका थिए ।
उनले खेलको ३१ औँ मिनेटमा डिबक्स बाहिरबाट प्रहार गरेको बल गोलमा परिणत भएको थियो । मछिन्द्र ६ खेलबाट १३ अङ्क जोड्दै आफूलाई लिगको शीर्ष स्थानमा राख्न सफल भएको छ ।