पुस ९, काठमाडौ- गण्डकी प्रदेशको क्योलासोथार गाउँपालिका ९ टक्सारस्थित नवनिर्मित प्रहरी चौकी भवनको एक कार्यक्रमबीच उद्घाटन भएको छ ।
गण्डकी प्रदेश प्रहरी कार्यालय पोखराका प्रमुख प्रहरी नायव महानिरीक्षक विनोद शर्मा घिमिरे सोमबार उद्घाटन गरेका हुन । कार्यक्रममा वोल्दै उनले नवनिर्मित भवनबाट सेवाग्राहीले छिटो छरितो र सरल तथा सुलभ प्रहरी सेवा पाउनेमा आफू विश्वस्त रहेको वताए ।
जनता केन्द्रीत प्रहरी सेवानै प्रहरी संगठनको पहिलो र महत्वपूर्ण प्राथमिकता भएकाले उल्लेख गर्दै उनले बद्लिदो परिस्थिति अनुसार प्रविधिमैत्री प्रहरीबाट जनमैत्री प्रहरी सेवा प्रवाह गर्नुको विकल्प नरहेको र यसप्रति संगठनले समेत थप वृहत गृहकार्य गरिरहेको बताए।
समुदाय-प्रहरी साझेदारी अभियानले जनतालाई प्रहरीसँग प्रत्यक्ष जोडेकाले पछिल्लो समय समाजमा सुशासन कायम गर्न थुप्रै सकारात्मक पहलहरुले सार्थकता पाइरहेको चर्चा गर्दै प्रहरी नायव महानिरीक्षक घिमिरेले समृद्ध र समुन्नत समाज निर्माणका लागि नागरिकसँगको समन्वय र सहयोग उत्तिकै महत्वपूर्ण रहनेमा उनले जोड दिए ।