पुस ६, भक्तपुर – प्रहरीलाई आर्थिक प्रभावमा पारेर तपाईको इच्छा अनुसारको काम गराउन खोज्नु भयो भने आफ्नो खाल्डो आफै खने जास्तो हुन सक्छ । आइतबार बिहान भक्तपुर व्यासी बस्ने बा ३ च ६४२६ नम्बरको कार चालक नविन कुमार खत्रीलाई प्रहरीलाई आर्थिक प्रलोभनमा पार्न खोजेको भन्दै प्रहरीले पक्राउ गरेको छ ।
चाँगुनारायण नगरपालिका-२ दुवाकोट मोडस्थित खटिएको प्रहरीले सल्लाघारीबाट दुवाकोटतर्फ जाँदै गरेको उक्त कार जाँच गर्ने क्रममा आवश्यक कागजात नभएकाले चालक खत्रीले नगद १ हजार रुपैयाँ दिई प्रहरीलाई आर्थिक प्रलोभनमा पार्न खोजेका थिए ।
प्रहरीको नियन्त्रणमा रहेका उनको आवश्यक अनुसन्धान भइरहेको प्रहरीले जनाएको छ ।