असोज ५, काठमाडौं — दशैंमा काठमाडौँबाट मुलुकका विभिन्न गन्तव्यतर्फ जाने यात्रुहरुलाई लक्षित गरि आजबाट अग्रिम टिकट बुकिङ खुलेको छ ।
अन्य समयको भन्दा दशैंमा घर फर्किनेहरुको संख्या अत्याधिक हुने गरेकाले हरेकवर्ष अग्रिम टिकट बुकिङ खुलाउने गरिन्छ ।
चाडपर्वको अवसरमा मुलुकभर नै सवारी साधनहरूको रुट इजाजत खुला हुने भएको छ । सीमित रुट इजाजत पाएका सवारी धनीले यस वर्षको चाडपर्वमा मुलुकभर आफ्नो सवारी साधन चलाउन पाउने भएका छन् ।
चाडपर्वका अवसरमा बिनारोकटोक र झन्झटबिना सवारी धनीले आफ्नो सवारी साधन मुलुकका जुनसुकै कुनामा पनि गुडाउन पाउने र चाडपर्वको आनन्द लिऊन् भन्ने उद्देश्यसहित दशैँ, तिहार र छठको समयमा मुलुकभर सवारी साधनहरूको रुट इजाजत खुला गरिने यातायात व्यवस्था विभागले जनाएको छ ।