भदौ ३०,काठमाडौं— बुद्ध एयरले नेपालगञ्जमा संस्कृति पर्यटन तथा नागरिक उड्यन मन्त्री योगेश भट्टराईको कारण मात्र प्लेन ढिलो भएको भन्ने सामचार सत्य नभएकोे स्पष्टीकरण दिएको छ ।
बुद्ध एयर प्रालिले विज्ञप्ती जारी मन्त्रीलाई पर्खिँन केही समय उडान रोकिएको स्वीकार गरेको छ । तर मन्त्री आइसकेपछि ढिलो भएको भन्दै यात्रुहरुले नाराबाजी गर्दा करिब ५ मिनेट प्लेन नै कोल्टे भएको जनाएको छ ।
विमान भित्रै आक्रोशित समूहले वादविवाद गर्दा उडान गर्न झनै ढिला भएको सोमबार नागरिक उड्ययन प्राधिकरणका महानिर्देशकलाई पठाएको विज्ञप्तीमा उल्लेख छ । एकै ठाउँ भेला भएर यात्रुहरुले वादविवाद गर्दा प्लेन नै कोल्टे परेको विज्ञप्तीमा उल्लेख छ । मन्त्री भट्टराईले भने आफ्ना कारण १५ मिनेट ढिलो भएको स्पष्टिकरण दिँदै आएका छन् ।
विज्ञप्तीमा नेपालगञ्ज विमानस्थललाई दिएको समयभन्दा २४ मिनेट ढिलो भएको भन्दै काठमाण्डौंबाटै प्लेन ढिलो उडेको, मन्त्री केही समय ढिलो आएको तथा यात्रुहरुले विवाद गर्दा झन् ढिलो भएको जनाएको छ ।
घटनामा मन्त्री र सुरक्षाकर्मी तथा सहयोगीहरुले देखाएको संयमताका कारण पनि आक्रोशित समूहलाई समयमै साम्य पार्न सकिएको र ढिलै भए पनि उडान गर्न सकिएको पनि बुद्ध एअरले विज्ञप्तीमा स्पष्ट पारेको छ ।
