भदौं २७, काठमाडौं —भीमदत्तनगर–कञ्चनपुरको शुक्लाफाँटा नगरपालिकाका नगर प्रवक्ता जगतबहादुर सिंहको गाडीमा गए राति अज्ञात समूहले आगजनी गरेको छ ।
शुक्लाफाँटा नगरपालिका–५ वनसमितिस्थित डेरामा पार्किङ गरी राखिएको अवस्थामा गए राति करीब १ः०० बजेको समयमा बा २१ च ८५०७ नम्बरको कारमा आगजनी भएकोे प्रवक्ता सिंहले जानकारी दिए । सिंह शुक्लाफाँटा नगरपालिका–७ का वडाध्यक्षसमेत हुन् ।
घटनाको अनुसन्धान भइरहेको इलाका प्रहरी कार्यालय झलारीका प्रमुख प्रहरी निरीक्षक नैनसिंह साउदले बताए । मध्यरातमा आएर आगो लगाएर फरार रहेको देखिने भन्दै प्रहरी निरीक्षक साउदले आगजनी गर्ने समूहको व्यापक खोजी भईरहेको जनाए ।