भदौं १९,काठमाडौं —कुश्मामा कुटपिटमा संलग्न दुई समूहका १६ जनालाई बुधबार प्रहरीले पक्राउ गरेको छ ।
कुश्मा नगरपालिका–५ यान्त्रिकपुल नजिकबाट उनीहरुलाई पक्राउ गरिएको प्रहरी निरीक्षक राजन रायमाझीले जानकारी दिए ।
पक्राउ पर्नेमा कुश्मा नगरपालिका–४ का सन्तोष परियार, करण गुरुङ, मुस्कान पुन, राजेश पुन, निशान पुन, नवीन क्षेत्री, अनमोल कुमाल, सुदीप परियार, सुगम बोहोरा, आविस्कार पौडेल, कुश्मा–५ का आशिष केसी, आश्विन क्षेत्री, कुश्मा–६ का अभिषेक पौडेल तथा वडा नं ७ का सुमन केसी र सुजन केसी रहेका छन् ।
आपसी झडपमा घाइते भएका कुश्मा–५ का आस्विन क्षेत्री र कुश्मा–६ का आदित भण्डारीको जिल्ला अस्पतालमा उपचार गरिएको छ । कुटपिटमा संलग्न सबै विरुद्ध मुद्दा दर्ता गरी अनुसन्धान अघि बढाइएको रायमाझीले बताए।