भदौं १९,काठमाडौं — सुनसरीको इटहरीमा मोटरसाइकल चोरी गर्दै गर्दा एक जनालाई प्रहरीले पक्राउ गरेको छ ।
बुधबार राती सुनसरी ईटहरी ४ का देविप्रसाद सापकोटाले घरमा कम्पाउण्ड भित्र राखेको मोटरसाइकल चोर्न खोज्नेलाई पक्राउ गरेको प्रहरीले जनाएको छ ।
पार्किङ गरी राखेको को १७ प ९०२४ नंम्बरको मोटरसाइकल ठेल्दै लादै गरेको अवस्थामा सुनसरी धरान १५ का २६ वर्षीय सुमित मगर लाई इलाका प्रहरी कार्यालय इटहरीको टोलीले पक्राउ गरेको हो ।
पक्राउ परेका मगरको विषयमा थप अनुसन्धान भइरहेको प्रदेश प्रहरी कार्यालय विराटनगरले जनाएको छ ।