भदौ १२,काठमाडौं – नेपाली कांग्रेसको केन्द्रीय कार्यसमिति बैठक बिहीवार दिउँसो २ बजे पार्टी केन्द्रीय कार्यालयमा बस्दै छ ।
समसामयिक राजनीति, भातृ, शुभेच्छुक संस्था र जनसम्पर्क समितिबारे छलफल गर्न बैठक बोलाईएको पार्टी प्रवक्ता विश्वप्रकाश शर्माले जानकारी दिए ।
पार्टीका वरिष्ठ नेता रामचन्द्र पौडेल अस्वस्थ भएपछि बुधवारका लागि निर्धा्रित बैठक बिहीवार बोलाइएको हो । बुधवार पार्टी केन्द्रीय कार्यालयमा केन्द्रीय पदाधिकारी बैठक बसेको थियो । बैठकमा पार्टीको दोस्रो चरणको जागरण अभियानको तयारी र सो अभियानका लागि प्रतिनिधि चयनलगायत विषयमा छलफल भएको थियो ।