भदौं ९,काठमाडौं — रेडपाण्डाको छाला सहित बुढानिलकण्ठमा प्रहरीले २ जनालाई पक्राउ गरेको छ ।
हात्तीगौडास्थित कपडा पसलमा लुकाईछिपाई राखेको रेडपाण्डा जस्तो देखिने करिब ३ फिट लम्बाई भएको छाला सहित २ जनालाई आइतबार दिउँसो प्रहरीले पक्राउ गरेको हो ।
पक्राउ पर्नेहरुमा बुढानिलकण्ठ नगरपालिका(८ हात्तीगौडा कपडा पसल गरी बस्ने म्याग्दी त्रिवेणी नगरपालिका(२ घर भएका ३४ वर्षीय उपेन्द्र मल्ल र बाग्लुङ गलकोट नगरपालिका( ९ घर भएका ३१ वर्षीय केशव राज गौतम रहेका छन् ।
महानगरीय प्रहरी प्रभाग बुढानिलकण्ठबाट खटिएको प्रहरीले उक्त कपडा पसल जाँच गर्ने क्रममा उक्त छाला फेला पारेको थियो ।
यस सम्बन्धमा थप अनुसन्धान भइरहेको स्थानीय प्रहरीले बताएको छ ।