भदौं ५,काठमाडौं — बलिउड अभिनेता सलमान खानले आफ्नो आउँदो फिल्म ‘दबंग ३’को प्रदर्शन मिति घोषणा गरेका छन् । उनले सामाजिक सञ्जाल ट्वीटरमार्फत् ‘दबंग ३’ को रिलिज डेट घोषणा गरेका हुन् ।
उनले ट्वीटरमा आफ्नो फिल्म यसै वर्षको क्रिसमसभन्दा अगाडि नै रिलिज हुने बताए । उनका अनुसार आउँदो डिसेम्बर २० मा दबंग ३ रिलिज हुने जानकारी दिएका छन् । ‘दबंग ३’लाई फिल्मको पहिलो र दोस्रो पार्टभन्दा अलि बढी मनोरञ्जनात्मक बनाउनका लागि निर्माण टिमले विषेश तयारी गरिरहेको छ ।
उक्त फिल्ममा सलमान, सोनाक्षी र साइका साथ माही गिल, टिनु आनन्द र अरबाज खान लगायतको कलाकारहरुको मुख्य भूमिका रहेको छ । फिल्ममा कन्नडका सुपरस्टार सुदीपले भिलेनको भूमिका निर्वाह गर्ने भएका छन् । ‘दबंग ३’ ‘दबंग’ र ‘दबंग २’ को सिक्वेल रहेको छ ।