साउन २६, काठमाडौं– अबको निर्वाचनबाट नेपाली काँग्रेस पहिलो पार्टी बन्ने बताइएको छ ।
शनिबार राजधानीमा आयोजिक एक कार्यक्रममा नेपाली कांग्रेसका महामन्त्री शशांक कोईरालाले यस्तो बताएका हुन् ।
उनले कांग्रेसलाई एकताबद्ध बनाउदै आगामी निर्वाचनमा पहिलो दलको रुपमा बिजयी गराउने प्रतिवद्धता व्यक्त गरे ।
महामन्त्री कोइरालाले आफुले जनताको लागि राजनीति गरेकोले कांग्रेसलाई पहिलो पार्टीको रुपमा स्थापित गराई राष्ट्रको रुपान्तरण गर्ने बताए ।
कार्यक्रममा युवा नेता गगन थापाले राज्यव्यवस्था भन्दा कार्यशैली परिवर्तन गर्नुपर्ने बताए ।
राजनीतिक दलले काम गर्न नसकेको भनेर राजसंस्था पुकारेको सुनिन थालेको उनले बताए । यसका लागि उनले नेतृत्वकर्ताको पुरानो कार्यशैली फेरिनुपर्नेमा जोड दिए ।