साउन २२,काठमाडौं – काठमाडौंको माइतीघर मण्डलास्थित सेन्टजेभियर्स कलेज अगाडि सकेट बम भेटिएको छ ।
बुधबार बिहानै भेटिएको शंकास्पद वस्तु सकेट बम भएको महानगरीय प्रहरी कार्यालय, रानीपोखरीका एसएसपी श्याम ज्ञवालीले बताए ।
नेपाली सेनाको बम डिस्पोजल टोलीले त्यसलाई निष्क्रिय पारेको प्रहरीले जनाएको छ ।
बम कसले राख्यो भन्ने अहिलेसम्म खुलेको छैन । घटनाबारे थप अनुसन्धान भईरहेको प्रहरीले बताएको छ ।