साउन १९, एजेन्सी – वेस्ट ईन्डिजविरुद्व पहिलो टी–२० खेलमा भारत विजयी भएको छ । शनिबार राति भएको खेलमा भारत ४ विकेटले विजयी भएको हो ।
९६ रनको लक्ष्य भारतले १७ दशमलव २ ओभरमा ६ विकेट गुमाएर पुरा गर्यो । ओपनर रोहित शर्माले २४ तथा कप्तान विराट कोहली र मनिष पाण्डेले समान १९ रन बनाएका थिए ।
यसअघि पहिले ब्याटिङ गरेको वेस्ट ईन्डिजले निर्धा्रित ओभरमा ९ विकेट गुमाएर ९५ रन बनाएको थियो । किरोन पोलार्डले ४९ रन बनाएपनि टोलीलाई जित दिलाउन भने सकेनन् ।
भारतका नवदिप सैनीले सर्वा्धिक ३ विकेट लिए ।
अमेरिका र वेस्ट ईन्डिज भ्रमणमा रहेको भारतले वेस्ट ईन्डिजसंग ३ म्याचको टी–२० सिरिज खेल्नेछ । जितसंगै भारतले सिरिजमा १–० को अग्रता लिएको छ ।