साउन १७ — बहुप्रतिक्षित बलिउड फिल्म ‘साहो’को ‘इन्नी सोनी’ बोलको रोमान्टिक गीत सार्वजनिक भएको छ । गीतमा बहुबली स्टार प्रभास र श्रद्धा कपूर फिचर्ड छन् ।
गुरु रन्धवा र तुल्सी कुमारको स्वरमा सजिएको सो गीतमा गायक गुरुको शब्द भरेका छन् । सुजितद्धारा निर्देशन गरिएको उक्त गीतमा लेबल टीसिरिजको संगीत रहेको छ ।
फिल्ममा प्रभास र श्रद्धासँगै नील नितिन मुकेश, अरुण विजय, ज्याकी श्राफ, मन्दिरा बेदी, चंकी पाण्डे, मुरली शर्मा लगायत कलाकारको अभिनय देख्न पाइने छ ।
फिल्म हिन्दी, तमिल, तेलगु र मलयालम गरि चार भाषामा रिलिज गरिने छ । यो फिल्म अगस्त ३० अर्थाल भदौ १३ गते देखि रिलिज हुँदैछ ।