साउन ६, काठमाडौं— कैलालीको घोडाघोडी नगरपालिका–११, सिसैयामा बुबालाई आफ्नै छोराले धारिलो हतियार हसिया प्रहार गरी हत्या गरेका छन् ।
जिल्ला प्रहरी कार्यालय, कैलालीका प्रवक्ता प्रहरी नायब उपरीक्षक दक्षकुमार बस्नेतका अनुसार घरायसी विवादमा ५५ वर्षीय छोरा उदय रावतले आइतबार राति करिब ११ः३० बजे धारिलो हतियार हसिया प्रहार गरी ७५ वर्षीय बावु काल्चे रावतको हत्या गरेका थिए ।
आक्रमणबाटै आमा नन्दे रावत पनि गम्भीर घाइते भएकी छन् । बावु माथिको आक्रमणबाट बचाउन आएकी उनलाई उदेले धारिलो हतियार प्रहार गरेका छन् । उनलाई उपचारका लागि नेपालगञ्ज रेफर गरिएको छ ।
हत्या गरी फरार रहेका उदे रावतलाई प्रहरी नियन्त्रणमा लिएको छ । घटनाबारे अनुसन्धान भइरहेको प्रहरी जनाएको छ ।