आँप बोकेको भारतीय ट्रकमा तोडफोड, आगो लगाउने प्रयास

असार २६, काठमाडौं — आँप बोकेर नेपाल आईरहेको भारतीय ट्रकमा तोडफोड गरिएको छ । चितवनको नारायणगढ क्षेत्रपुरस्थित महानगर ताजा तरकारी तथा फलफूल थोक बजारमा आँप ल्याएको भारतीय ट्रकमा तोडफोड गरिएको हो ।
बिहीबार बिहान तीन बजेतिर आँप लिएर बजार क्षेत्रमा प्रवेश गरेको यूपी ४१ ए टी २६९१ नम्वरको भारतीय ट्रकमा तीन जनाको संख्यामा आएका युवाहरुले तोडफोड गरेको प्रहरीले जनाएको छ । स्कुटरमा आएका ती युवाले गाडीको अगाडिको सिसा फुटाइदिएका छन् ।
पाँच टन आँप बोकेर आएको ट्रकलाई केही व्यापारीले प्रतिकार गर्दा ठूलो क्षति हुनबाट जोगिएको थियो ।