असार २३, काठमाडौं —बनेपामा एक शिक्षकले युवतीमाथि सिरिन्ज आक्रमण गरेका छन् । सिरिन्ज आक्रमण गर्दै गर्दा उनी रंगेहात पक्राउ परेका हुन् ।
स्याङ्गजा वालिङ्गका विज्ञान विषय पढाउने शिक्षक खगेन्द्र पाठकलाई युवतीमाथि सिरिन्ज हान्दै गर्दा प्रहरीले बनेपाको चारदोबाटोबाट पक्राउ गरेको हो ।
पाठकले सिरिन्ज हानेको भन्दै स्थानीयहरुले कुटपिट समेत गरेका छन् । तर पक्राउ परेका ती व्यक्तिले भने सिरिन्ज आक्रमण नगरेको बताएका छन् ।
पाठकले सरस्वती माध्यमिक विद्यालय काभे्र नमोबुद्ध नगरपालिकामा अध्यापन गराउदै आएका छन् । उनलाई प्रहरीले तीन दोबाटोस्थित चौकीमा राखेको छ । प्रहरीका अनुसार पीडितलाई उपचारका लागि शिर मेमोरियल अस्पतालमा पुर्याइएका छ ।