असार १९, काठमाडौं — अर्घाखाँचीको सुपादेउराली नजिक खाँचीखोलामा बिहीवार जिप दुर्घटना भएको छ ।
दुर्घटनामा परि तीन जनाको घटनास्थल मै मृत्यु भएको छ भने ५ जना गम्भीर घाइते भएका छन ।
कपिलवस्तुको कृष्णनगरबाट अर्घाखाँचीको सन्धिर्खकका लागि छुटेको लु १ ज १३२९ नम्बरको जीप दुर्घटना भएको हो ।
जिल्ला प्रहरी कार्यालय अर्घाखाँचीका अनुसार मृतक मध्ये चालक सुमान्त भुसाल रहेको र अन्य नाम र ठेगाना खुल्न सकको छैन ।
सो जिपमा करिब ११ जना सवार थिए । दुर्घटनामा परी ५ जना गम्भीर घाइते भएको र ४ जना सामन्य घाइते रहेका छन् । घाइतेहरूलाई उपचारका लागि बुटवल पठाइएको प्रहरीले जनाएको छ ।