भक्तपुरमा टिपरको ठक्करबाट मोटरसाइकल चालकको मृत्यु

असार १६, काठमाडौं — मध्यपुर थिमि राधेराधेमा टिपरको ठक्करबाट मोटरसाइकल चालकको मृत्यु भएको छ । मृत्यु हुनेमा सोलुखुम्बु पान्चानका २९ वर्षीय प्रेमकुमार राई छन् । टिपरको ठक्करबाट गम्भीर घाइते राईको उपचारको क्रममा मध्यपुर अस्पताल थिमिमा ज्यान गएको हो ।
आइतबार राति काठमाडौंबाट भक्तपुरतर्फ आउँदै गरेको बा ५ ख ५३४३ नम्बरको टिपरले सोही दिशातर्फ आउँदै गरेको प्रदेश ३ ००६ प ४९९४ नम्बरको मोटरसाइकललाई ठक्कर दिँदा मोटरसाइकल चालकको मृत्यु भएको प्रहरीले जनाएको छ । मोटरसाइकललाई ठक्कर दिने टिपर चालक फरार छन् ।