जेठ २, काठमाडौं– काठमाडौं महानगरपालिका–२ निल सरस्वती स्थित भेकल ग्यारेजमा जुवातास खेलिरहेका तीन जना पक्राउ परेका छन ।
जुवातास खेलिरहेको भन्ने सुचनाको आधारमा गएको महानगरीय प्रहरी वृत्त दरवारमार्गबाट खटिएको प्रहरीले बुधबार साँझ उनीहरुलाई पक्राउ गरेको हो ।
पक्राउ पर्नेमा नुवाकोट घर भएका २४ वर्षीय हरिबोल सरौला समेत ३ जना रहेको प्रहरीले जनाएको छ । जुवाडेको खालवाट नगद ८ हजार ३ सय २० रुपैयाँ सहित १ बुक तास पनि प्रहरीले वरामद गरेको छ । यस सम्बन्धमा प्रहरीले आवश्यक थप अनुसन्धान गरिरहेको जनाएको छ ।