वैशाख२०, धादिङ — धादिङको गजुरी गाउँपालिकाको कार्यालयमा बिहीबार राति चोरी भएको छ ।
गाउँपालिका कार्यालयको मुल ढोका तथा सबै कार्यकक्षको ढोका फुटाएर अज्ञात समूहले ल्यापटप २ थान, मुभी क्यामेरा थान १ थान, डीएसएलआर क्यामेरा १ थान र केही थान हार्ड्डिक्स समेत चोरी गरेको गाउँपालिकाका अध्यक्ष राजेन्द्रविक्रम बस्नेतले बताएका छन् ।
कार्यलयको सीसीटीभी फुटेजमा हातमा पञ्जा लगाएका र अनुहारमा मास्क लगाएका २ अपरिचित युवाले कार्यपालिका भवनको मुलगेट फुटाइ भित्र प्रवेश गरेको देखिएको अध्यक्षको भनाईमा छ ।
यस सम्वन्धमा इलाका प्रहरी कार्यालय गजुरीका प्रहरी निरीक्षक नवराज ढुंगेलले सीसी क्यामेरामा कैद भएका तस्विर र गाउँपालिकामा यसअघि आवतजावत गरेका अपरिचित व्यक्तिहरुको पहिचान गर्ने काम भइरहेको बताए ।