माघ ६, काठमाडौं — स्पेनिस ला लिगा फुटबलमा रियल मड्रिडको जीत भएको छ । शनिबार राति भएको खेलमा रियल मड्रिडले सेभियालाई २– ० गोलअन्तरले हराउदै विजयी भएको हो । रियल मड्रिडको जितमा कासिमिरो र लुका मोड्रिचले गोल गरेका थिए ।
पहिलो हाफमा गोलरहित बराबरी भएको खेलमा दोस्रो हाफमा रियल मड्रिडले दुई गोल गर्न सफल भएको थियो । रियल मड्रिडका लागि ७८ औ मिनेटमा कासिमिरोले गोल गर्दै रियल मड्रिडलाई अग्रता दिलाएका थिए ।
खेलको अतिरिक्त समयमा मोड्रिचले गोल गर्दै रियल मड्रिडलाई २–० गोलको जित दिलाए । जितपछि रियल मड्रिडले २० खेलबाट ३६ अंक बनाउँदै लिगको तेस्रो स्थानमा उक्लिएको छ । हार सहेको सेभियाकोे ३३ अंक रहेको छ ।