पुष २४ काठमाडौं – शहिद स्मारक ए डिभिजन लिगको आठौं उपाधि मनाङ मर्स्याङ्दी क्लबले जितेको छ । मंगलबार सम्पन्न शहिद स्मारक ए डिभिजन लिगको खेलमा मर्स्याङ्दी क्लबले आठौं पटक उपाधि जित्न सफल भएको हो ।
यसअघि १२ वटा खेलमा सत प्रतिशत विजयी भएको मनाङले करिब ४ वर्षपछि उत्कृष्ट प्रदर्शन गरी यो सहित आठौं पल्ट ए डिभिजन लिगको उपाधि हासिल गरेको छ ।
जीतपछि विजेता टोली मनाङले ५० लाख हात पारेको छ । अब एएफसी एसियन कपमा पनि यो टोलीले भाग लिन पाउने भएको छ । ए डिभिजन लिगमा दोस्रो भएको संकटा टोलीले ३५ लाख प्राप्त गरेको छ भने, तेस्रो भएको थ्रि स्टारले २५ लाख पाएको छ ।
खेल गत असोज १३ गतेदेखि सुरु भएको थियो ।