काठमाडौ —म्युजिक अवाडको सातौं संस्करण विराटनगरमा सम्पन्न भएको छ । राजधानीमा केन्दीत रहेर अवार्ड गर्दै आएको म्युजिक खबर म्युजिक अवार्ड शुक्रबार प्रदेश नम्बर १ को अस्थाई राजधानी विराटनगरस्थित विरेन्द्र सभागृहमा सम्पन्न भएको हो ।
अवार्डमा गायक शिब परिवार सर्वोत्कृष्ट सुगम संगीत गायकको अवार्ड जित्न सफल भए । शिव परियारले ‘बर्षाैं भो छोडेको’ गीतबाट अवार्ड हात पारेका हुन् । त्यस्तै, सर्वोत्कृष्ट गायिका सुगम संगीत बन्न सफल भईन् गागिका प्राश्ना शाक्य । उनले ‘कैदी बनाउ’ बोलको गीतबाट सर्वोत्कृष्ट गायिकाको अवार्ड हात पार्न सफल भएकी हुन् ।
म्युजिक खवरको आयोजा र‘हामी युवा’को सह–आयोजनामा विराटनगरस्थित सम्पन्न भएको अवार्ड कार्यक्रममा बरिष्ठ गायक तथा संगीकार सम्भूजित बासकोटालाई ‘विराट संगीतरत्न’द्वारा अभिनन्दन गरिएको थियो ।