कात्तिक ३०, गोरखा – एमालेका अध्यक्ष केपी ओलीले कांग्रेसका अन्तिम प्रधानमन्त्री शेरबहादुर देउवा भएको बताएका छन् । पालुङटारको चुनावी सभालाई सम्वोधन गर्दै ओलीले भने ‘वुढो रुख ढल्यो ढल्यो, म मिति समेत भनि दिन्छु ०७४ पुस सम्म मात्र देउवा प्रधामन्त्री हुन्, कांग्रेसका अन्तिम प्रधमन्त्री पनि देउवा नै हुन् ।’ बुढो गाईलाई घाँस हालेर दुध नदिने भन्दै वाम गठवन्धनको उम्मेदवारलाई भोट हाल्न ओलीले मतदातालाई आग्रह गरे । ‘पीर नमान्नु कांग्रेसले खोजेको प्रजातन्त्र हामी ल्याउँछौँ,’ ओलीले भने ‘कम्युनिष्ट सरकार आउन लाग्यो भनेर कांग्रेस आत्तिएको छ, कम्यूनिष्ट सरकार त अब आयो आयो ।’
नयाँ शक्ति पार्टीका संयोजक डा. बाबुराम भट्टराई उठेको क्षेत्रमा पुगेर ओलीले नारायणकाजीलाई भोट मागे । भट्टराईतर्फ लक्षित गर्दै ओलीले भने ‘कर्कलोलाई छिनाउन वन्चरो चलाउन जरुरत छैन ।’ नयाँ शक्ति पार्टीमा १ जना अध्यक्ष र कलाकार वाहेक सवैलाई आफूले एमालेमा सहभागी गराएको पनि ओलीको दाबी छ । ‘एक जना अध्यक्ष र कलाकार वाहेक हिजो नयाँ शक्तिका साथीहरुलाई एमालेमा सहभागी गराइसकेको छु,’ उनले बाबुराम र करिस्मा तर्फ लक्षित गदै भने ‘वावुराम अध्यक्ष लिएर कांग्रेस प्रजातन्त्र जोगाउँछु भन्दै छ ।’ कांग्रेसले नयाँ शक्ति पार्टीलाई समर्थन गरेर प्रजातन्त्र नजोगिने ओलीको तर्क थियो । ओलीले भने , कांग्रेस आत्तिएको छ माया लाग्छ, यहाँका कांग्रेसहरुको चुनाव चिन्ह रुख थियो, रुखको हाँगो भाँचेर हल्लाउन हुन्थ्यो त्यो पनि छैन, अब आँखा निकाल्न नमिल्ने !’
नयाँपत्रिकाबाट