भदौ ९, काठमाडौं – रियल मड्रिडका स्टार स्ट्राइकर एवम् पोर्चुगिज फुटबलर क्रिष्टियानो रोनाल्डोले युइएफए पुरुष प्लेयर अफ दि इयर घोषित भएका छन् । बार्सिलोनाका स्ट्राइकर लियोनल मेस्सी र जुभेन्टसका गोलकिपर वुफेनलाई पछि पार्दै रोनाल्डोले दोश्रो पटक सो पुरस्कार हात पारेका हुन् ।
सन् २०१६ । २०१७ को सिजनमा खेलाडीले गरेको उपलब्धिको आधारमा हरेक बर्ष उक्त पुरस्कार घोषणा गरिन्छ । गत सिजनमा रोनाल्डोले रियल मड्रिडलाई ला लिगा,च्याम्पिन्यस लिग लगायतका महत्वपुर्ण ट्रफी जिताएका थिए । विश्वभरका पत्रकार ,प्रशिक्षक तथा खेलाडीले भोट गरेका आधारमा रोनाल्डोले मेस्सी र वुफनलाई पछि पार्दै पुरस्कार पाएका हुन् ।