गैंडाकोट मेयरमा एमालेको जित

जेष्ठ ५, नवलपरासी – नवलपरासीको गैंडाकोट नगरपालिका मेयरमा एमाले उम्मेदवारले जित हासिल गरेका छन । कांग्रेसको बलियो क्षेत्रमा जित हात पारेपछि  एमाले कार्यकर्ताले खुसियाली मनाइरहेका छन ।
एमालेका छत्रराज पौडेलले ११ हजार ३ सय २ मत प्राप्त गरि विजय भएका छन । प्रतिस्प्रर्धी कांग्रेसका गजेन्द्र आलेले ११ हजार ७८ मत प्राप्त गरेका थिए । उपमेयरमा कांग्रेसकी विष्णु सापकोटा कँडेलले एमालेकी राधा पाण्डेलाई १ हजार ९९ मतको फराकिलो अन्तरले पराजित गरिन । कँडेललाई ११ हजार ५ सय ५५ र पाण्डेलाई १० हजार ४ सय ५६ मत प्राप्त भयो । यसै गरि यहाँका १८ वडामध्ये ९ वटामा एमाले र ९ वडामा कांग्रेस विजयी भएका छन ।