जेठ १६,काठमाडौं–मकवानपुर प्रहरीले घरघरमा घुसेर अवैध लागूपदार्थ गाँजा खोज्न थालेको छ ।जिल्लाका गाँजा प्रभावित गाविसमा प्रहरीले गाँजा खोज्न घरखानतलासीको अभियान सञ्चालन गरेको छ ।
खानतलासीका क्रममा भेटिएको गाँजा बरामद गरी गाँजाधनीलाई पक्राउ गर्ने अभियान सञ्चालन गरिएको मकवानपुरकी एसपी मीरा चौधरीले बताइन् ।
गाँजाको व्याड राख्ने समय हुन थालेकाले व्याड नराख्न सर्वसाधारणको घरमा पुगेर सचेत गराइएको उनले बताइन् । गाँजा रोप्दा, बेच्दा र ओसार पसार गर्दा हुने कानुनी कारबाहीबारे जानकारी गराएको उनको भनाइ रहेकोछ ।