“अर्धकट्टी” ट्रेलर रिलिज, पहिला लभ गर्ने , अनि सब गर्ने (भिडियो सहित )

काठमाडौं- आगामी प्रदर्शनको क्रममा रहेको नेपाली कथानक चलचित्र “अर्धकट्टी” ले चलचित्रको लागि हल ट्रेलर सार्बजानिक गरेको छ । जेठ ८ गतेको लागि प्रदर्शन मिति तोकिएको यस चलचित्रले अब चलचित्रको प्रचार प्रशार पनि ट्रेलर संगै सुरु गरेको छ । पत्रकार सुब्रत आचार्य द्वारा निर्देशित डेब्यु चलचित्र “”अर्धकट्टी”” मा बेरोजगार युवाको कथालाई प्रस्तुत गरेको छ । जेठ ८ गते प्रदर्शन मिति तोकिएको यस चलचित्रको रिलिज मितिमा यसै चलचित्रका निर्माता प्रदिप कु उयदेको जन्म दिन पनि परेको छ ।
विल्सन विक्रम राई, गौरव पहारी, अशिष्मा नकर्मी, रिस्ता बस्नेत, गम्भिर विष्ट र प्रदीप बास्तोला लगायतकाको अभिनय रहेको यस चलचित्र “अर्धकट्टी” मा नायिका नम्रता श्रेष्ठ र नायक गजित विष्टलाई विशेष भूमिकामा देख्न सकिनेछ । रोशन श्रेष्ठको द्वन्द्व, राजन इशान र बसन्त सापकोटाको संगीत, कविराज गहतराज र गम्भिर विष्टको नृत्य रहेको छ ।