काठमाडौँ-सागर तामाङ् वाल्यकालदेखि नै अभिनयमा सौखिन थिए । हाल उनी त्यही सपना पुरा गर्ने अभियानमा लागेका छन् । प्रवासमा रहेर पनि उनले नेपाली कला क्षेत्रलाई अगाडी बढाईरहेका छन् । यसै क्रममा उनले अभिनय गरेको नयाँ म्यूजिक भिडियो बजारमा आएको छ ।
अमेरिकाको टेक्सासमा रहेर चलचित्र सम्बन्धी अध्ययन गरिरहेका तामाङ्ले यसअघि ‘बुद्द वाज वर्न इन नेपाल’ सहितका केहि लघु चलचित्रमा अभिनय गरिसकेका छन् । उनको उद्देश्य नेपाली चलचित्र तथा संगीत क्षेत्रमा आफुले टेवा पुर्याउनु रहेको बताउँछन् ।
झापामा जन्मे(हुर्केका सागरले अभिनय गरेको भिडियोमा उनलाई लक्ष्मी बस्नेतले साथ दिएकी छिन् । रमेश क्षेत्रीको स्वर तथा संगीत रहेको यस गीतलाई बिशाल गुरुङ् र क्षिरिङ् तामाङ्ले लेखेका हुन् ।