पुस २४, फ्रान्स –फ्रान्सको पेरिसमा रहेको एक पत्रिकाको कार्यालयमा भएको सांघातिक आक्रमणमा प्रधान सम्पादक, कार्टुनिस्ट सहित १२ जनाको ज्यान गएपछि त्यहाँ राष्ट्रिय शोकको घोषणा गरिएको छ ।
फ्रान्सका राष्ट्रपति फ्रान्स्वा हउल्याण्डले घटनाको निन्दा गर्दै फ्रान्सको भावना, अभिव्यक्ति र स्वतन्त्रता विरुद्ध यस्तो कायरातापूर्ण घटना भएको बताउनुभयो । फ्रान्स प्रहरीका अनुसार घटनामा संलग्न ३ जना अक्रमणकारीको पहिचान भएको छ । उनीहरु इस्लामीक विद्रोही भएको अनुमान गरिएको छ । घटनाको विरोधमा पेरिस लगायत विभिन्न अरु शहरमा मौन ¥याली निस्कीएको बिबिसीले जनाएको छ ।
घटनाको विश्वव्यापी निन्दा एवं भत्सर्ना भएको छ । अमेरिकी राष्ट्रपति बाराक ओबामा, महारानी एलिजावेथ र संयुक्त राष्ट्र संघका महासचिव वान की मुनले घटना कायरतापूर्ण भएको भन्दै शोक सन्देश पठाएका छन् । फ्रान्सको प्रमुख मुस्लीम नेताले पनि घटनाको भत्सर्ना गरेका बिबिसीले जनाएको छ ।
पेरिसमा रहेको व्यंग्य पत्रिका चार्ली हेब्डाको कार्यालयमा हिजो बन्दुकधारीले आक्रमण गर्दा प्रधान सम्पादक सहित ८ जना पत्रकार, २ जना प्रहरी सहित १२ जनाको मृत्यु भएको भने ११ जना घाइते भएका छन् । घाइतेमध्ये ४ जनाको अवस्था गम्भीर छ । घटनापछि पेरिसको सुरक्षा व्यवस्था कडा बनाईएको छ ।
साप्ताहिक रुपमा प्रकाशित हुने चार्ली हेब्डो पत्रिकामा प्रकाशित समाचारको विषयलाई लिएर पहिलेदेखि नै विवादमा हँुदै आएको थियो । पत्रिकाले पछिल्लो पटक ट्वीटरमा इस्लामिक स्टेट आइएसका नेता अबु बकर अल बग्दादीको कार्टुन ट्वीट गरेको थियो ।