मंसिर ७, कालिकोट– लालु गाविसको लैनेभीरमा पहाडबाट खसेको ढुंगाले लागेर दुई जनाको मृत्यु भएको छ। सदरमुकाम मान्मबाट घरमा जान लागेका राष्ट्रिय वाणिज्य बैंक शाखा कालिकोटका गार्ड ४२ वर्षीय पंखबहादुर शाही र सोही गाउँका १९ वर्षीय नवीन रावलको भीरबाट खसेको ढुंगा लागेर मुत्यु भएको कालिकोट प्रहरीले जनाएको छ।
सदरमुकामबाट घर जान हिँडेका शाहीको शुक्रबार बिहान ११ बजे भीरबाट खसेको ढुंगा लागेर मृत्यु भएको थियो भने रावललाई बेलुका खुलालु बजारबाट घर जान लागेको बेला भीरबाट खसेको ढुंगा लागेर मृत्यु भएको थियो।