कात्तिक २७,बनेपा– मासु व्यवसायीले फेरि ब्रोइलर कुखुराको भाउ घटाएका छन्। पाँच दिन नपुग्दै उनीहरुले मिलेमतोमा भाउ घटाएका हुन्। अघिल्लो शनिबार जिउँदो ब्रोइलरको मूल्य किलोमा १० रुपैयाँ घटाएका उनीहरुले बिहीबार थप ५ रुपैयाँ घटाए। कुखुराको खरिद मूल्य १ सय ५५ रुपैयाँ कायम भएको छ।खरिद मूल्य तोकिए पनि किसानले कोल्ड स्टोरबाट तोकिएको भाउ पाएका छैनन्। सम्पूर्ण कोल्डस्टोरले यो भाउको २ प्रतिशत वा ५ रुपैयाँ प्रतिकेजी जर्ती भन्दै कटाउने गरेका छन्।२०७१ वैशाखमा जिउँदो ब्रोइलर प्रतिकिलोको २ सय ४० पाएका किसानले भदौ अन्त्यसम्ममा मुस्किलले १ सय ८० रुपैयाँ पाएका थिए। अहिले तयार भएको ब्रोइलरको एकदिने चल्ला किन्दा किसानले प्रतिगोटा ७५ रुपैयाँसम्म तिरेका थिए, ‘चल्लाको बढ्दो मृत्युदर, औषधी, भ्याक्सिन, दाना र व्यवस्थापन खर्च जोड्दा १ सय ८० देखि १ सय ९० सम्म प्रतिकिलो लागत पर्ने गरेको छ,’ उनले भने।
