अन्तर्राष्ट्रिय गजल महोत्सव आज समापन हुँदै

 भदौं ७, काठमाडौँ  – राजधानीमा हिजोबाट सुरु भएको अन्तर्राष्ट्रिय गजल महोत्सव आज समापन हुने भएको छ । अनाममण्डली र अन्तर्राष्ट्रिय नेपाली गजल मञ्चको संयुक्त आयोजनामा ललीतपुरमा जारी  महोत्सवका लागि ३०० गजलहरू प्राप्त भएको अन्तर्राष्ट्रिय नेपाली गजल मञ्चका महासचिव घनेन्द्र ओझाले जानकारी दिनुभयो । महोत्सवमा विभिन्न देशमा रही नेपाली भाषामा गजल लेख्ने प्रवासी नेपाली र अन्य देशका नागरिकले नेपाली भाषामा लेखेका नेपाली गजललाई प्रस्तुत गरिएको छ । महासचिव ओझाका अनुसार महोत्सवमा नेपालसहित भारत, भुटान, बर्मा, पाकिस्तानका गजलकारको उलेख्य मात्रामा सहभागिता रहनेछ । नेपाली गजल क्षेत्रमा योगदान दिने व्यक्तिहरूलाई दुई दिने सम्मेलनमा ३ सय,  २सय र १ सय अमेरिकी डलर प्रदान गरिने छ ।