असार ४, काठमाडौ – विश्वकप फुटबलमा दक्षिण कोरिया र रसिया एक एक गोलको बराबरीमा रोकिदा , ब्राजिल र मेक्सिको पनि अंक बाड्न बाध्य भएका छन् । आज विहान सकिएको खेलमा एसियाली राष्ट दक्षिण कोरियाले रसियासाग एक एक गोलको बरारबरी खेलेको हो । पहिलो हाफ गोल रहित सकिएको खेलमा कोरियाले दोस्रो हाफको ६८ औ मिनेटमा गोल गरेको थियो । कोरियाकालागि हान कुुक योङको पासमा ली क्यून होले गोल गर्दै अग्रता दिलाएका थिए । तर ७३ औ मिनेटमा एलिक्जेन्डर क्रिरजाकोभले नजिकैबाट गोल गर्दै बराराबरीमा पुराएका थिए । त्यसपछि कुनै गोल भएन र दुवै टिमले एक एक अंक बाड्न बाध्य भए । यस्तै समूह ए का ब्राजिल र मेक्सिको गोल रहित बराबरीमा रोकिएका छन् । पहिलो खेल जितेका दुवै टिम दोस्रो खेलमा पनि जित निकाल्दै प्रि क्वाटरफाइनलमा पुग्ने सम्भावना बलियो बनाउन चाहन्थे । निकै प्रतिष्प्रधात्मक खेलमा ब्राजिले ५३ प्रतिशत बल आफ्नो नियन्त्रणमा राखेको थियो भने ४७ प्रतिशत बल नियन्त्रण मेक्सिकोमा थियो । ब्राजिलले ६ पटक पोष्टमा प्रहार गरेपनि मेक्सिकोले २ पटक मात्रै प्रहार गरेको थियो । गएराति भएको पहिलो खेलमा बेल्जियमले अल्जेरियालाई दुई एक गोल अन्तरले पराजित गरेको छ । प्रतियोगिताको डार्क हर्सका रुपमा हेरिएको बेल्जियमका लागि मार्टेन्ससले ८० औ मिनेटमा निर्णायक गोल गरेका थिए । २४ औ मिनेटमा अल्जेरियाले पेनाल्टी मार्फत अग्रता लिएको थियो । बेल्जीयमका जान भेरटोङ्गेनले फल गरेपछि पहिलो कार्ड पाएका थिए । त्यसपछि पेनाल्टी पाएको अल्जेरियाले गोलमा परिणत गरेको थियो । सोफियन फिगहाउलीले गोल गरेका हुन् । ६९ औ मिनेट सम्म एक गोलले पछि परेको बेल्जियमले ७० औ मिनेटमा बराबरी गोल फर्काउन सफल भयो । केभिन डि बेरुनीले दिएको पासलाई मारोनी फिलिनले हेड मार्फत जाली चुमाउदै बराबरी गोल गरेका थिए । त्यसपछि आक्रामक खेल पस्किएको बेल्जीयमले ८० औ मिनेटमा गोल थप्न सफल भयो । उसकालागि डेरिस मार्टेन्ससले निर्णायक गोल गर्दै स्पष्ट तीन अंक दिलाए । आज राति पौने १० बजे नेदरल्याण्ड्स र अष्टेलिया, पौने १ बजे स्पेन र चीलि तथा विहान पौने ४ बजे क्यामरुन र क्रोएसिया भिड्ने छन् । एजेन्सी
