जेठ २७, काठमाडौ– गत आठ मार्चमा बेपत्ता भएको मलेसियन एयरलाइन्सको जहाज खोज्न हालसम्म ९० लाख डलर खर्च भएको मलेसियाले जनाएको छ । समाचार एजेन्सी सिन्ह्वाका अनुसार मलेसियाका निर्यात मन्त्री हिशामुद्धिन हुसैनले विमान खोजीमा खर्च भएको विवरण हिजो सार्वजनिक गरेका हुन् । विमान खोजीका लागि मलेसियाले पााच ओटा विमान एजेन्सीलाई परिचालन गरेको थियो । जसमा मलेसियाली एयरफोर्स, नेवी, प्रहरी, फायरब्रिगेट र त्यहााको राहत तथा उद्धार बिभाग सहभागी थिए । विमानको खोजीका लागि अन्य देशले गरेको सहयोग र खर्च विवरण भने यसमा समावेश गरिएको छैन । गत आठ मार्चको बिहान पौने १ बजे चीनका लागि क्वालालाम्पुरबाट उडेको जहाज २ सय ३९ जना यात्रुसहित बेपत्ता भएको थियो । विमानको अझै पत्ता लाग्न सकेको छैन । बेपत्ता यात्रुका परिवारले खोजीका लागि सरकारसंग जोडदार माग गरिरहेका छन् । एजेन्सी
