जेठ ८, काठमाडौ–संविधानसभाको संविधान मस्यौदा समितिले नया संविधानको मस्यौदा गर्ने काम आजदेखी सुरु गर्दैछ । संसद सचिवालय सिंहदरवारमा आज बस्ने बैठकमा मस्यौदा लेखनको काम सुरु हुने समितिका एक सदस्यले जानकारी दिए । संविधानसभाले तत्कालिन राष्टिय हितको संरक्षण समिति र प्राकृतिक स्रोत आर्थिक अधिकार र राजश्व बाडफाड समितिको प्रतिवेदनमा भएका सहमतिको निक्यौल सम्बन्धी प्रतिवेदन पठाएपछि मस्यौदा समिति कामकाजी भएको हो । संवैधानिक, राजनीतिक संवाद समितिको बैठकपनि आजै बस्दैछ । संविधानसभाले तत्कालिन राष्टिय हितको संरक्षण समितिमा रहेका असहमति निक्यौल सम्बन्धी प्रतिवेदन पठाएका कारण संवाद समितिले औपचारिक काम पाएको छ । सहमति भएका बिषय निक्यौल गरी मस्यौदा समितिमा पठाउने तथा सहमति जुटन नसकेका बिषय संवाद समितिमा पठाउने नियमावलीमा व्यबस्था छ । अैपचारिक विजनेश नपाएका कारण मस्यौदा समितिले संविधान मस्यौदाको बिषयमा विज्ञहरुसंग परामर्श गरेको थियो ।
