भिडन्तमा परी सिरियाका वायुसेना प्रमुखको मृत्यु

जेठ ५, काठमाडौ–सिरियाको राजधानी दमास्कस नजिकै भएको एक भिडन्तमा परी सिरियाका वायुसेना प्रमुखको मृत्यु भएको छ । अधिकारीहरुका अनुसार मिलिहा क्षेत्रमा रहेको वायु सेनाको मुख्यालयमा भएको आक्रमणमा वायु सेना प्रमुख जनरल हुसैन इसहाकको मृत्यु भएको हो । सिरियामा राष्ट्रपति बसर अल असादविरुद्ध सन् २०११ बाट सुरु भएको आक्रमणमा परी मारिने बरिष्ठ व्यक्ति मध्य जनरल हुसैन एक हुन् । बेलायतमा रहेको सिरियाली निरीक्षण संस्थानका निर्देशक रमी अब्देल रहमानले जनरल हुसैन इसहाकको मृत्युले राष्ट्रपति असादको सरकारलाई मनोबैज्ञानिक रुपमा कमजोर बनाएको बताए । यसैबीच, हालै सिरिया सरकारलाई एक इस्लामिक चरमपन्थी समूह हेजबुल्लाहले समर्थन गरेपछि सरकारले विद्रोहीविरुद्ध कडा संघर्ष सुरु गरेको छ । सरकारी सेनाले बिद्रोहीलाई शहरबाट बाहिर निकाल्ने संघर्ष जारी राखेको अधिकारीहरुको भनाई छ । एजेन्सी