वैशाख १५,काठमाडौं –शान्ति स्थापनार्थ युनाईटेड नेशन्स मिसन इन साउथ सुडान पुगे फर्किएको सशस्त्र प्रहरीलाई सशस्त्र प्रहरी महानिरीक्षक कोषराज वन्तले सोमवार अधिकृत तथा जवानहरुलाई युएन सेवा पदकद्वारा सुसोभन गरे ।
सशस्त्र प्रहरी उपरीक्षक सुन्दर खड्काको कमाण्डमा स्वदेश फर्किएको उक्त टोलीमा अधिकृत तथा बिल्लादार जवान गरी एक सय २० जना रहेका छन् ।
युनाईटेड नेशन्स मिसन इन लाइवेरियामा फम्र्ड पुलिस युनिटको रुपमा तैनाथ रहेको अवस्थामा संयुक्त राष्ट्रसंघको अनुरोधमा सोही मिसनबाटै उक्त टोली साउथ सुडानमा खटिएको थियो । महानिरीक्षक वन्तले लाइवेरिया र दक्षिणी सुडानमा परिणाममुखी काम गरेको भन्दै उक्त पदक दिएका हुन् ।
उनले पदक वितरण गर्दै सम्पूर्ण राष्ट्रसेवकले आफुलाई व्यावशायीक कुशल सुरक्षाकर्मीको रुपमा उभ्याउनुपर्ने बताए । उनले ‘अरुले के गर्यो भन्दा पनि आफुले के गरेको छु र के गर्नुपर्ने हो भन्ने कुरालाई शिरोधार्य गर्दै संगठनलाई प्रगति एवं उन्नतीको बाटोमा हिड्नुपर्ने बताए ।
