विभिन्न तीनवटा समितिको बैठक आज बस्दै

वैशाख १५, काठमाडौ–संविधानसभाका विभिन्न महत्वपुर्ण समितिहरु सक्रिय रुपले समयमै काम सम्पन्न गर्न लागिपरेका छन् । विभिन्न तीनवटा समितिको बैठक आज बस्दैछन् । संवैधानिक–राजनीतिक संवाद तथा सहमति समितिको बैठक आज बस्ने भएको छ । समितिले संविधानसभा भन्दा बाहिर रहेका दलहरुलाई कसरी वार्तामा ल्याउने, आगामी कार्ययोजना लगायतका विषयमा छलफल गर्ने भएको छ भने मस्यौदा समितिको बैठक पनि आजै बोलाइएको विभिन्न विज्ञहरुसाग छलफल गरेर मस्यौदा लेखन कार्य कसरी अघि बढाउने भन्ने विषयमा छलफल हुने भएको छ । संविधान अभिलेखन अध्ययन तथा निक्र्यौल समितिले बनाएका विभिन्न ६ वटा उपसमितिले पनि आफ्नो काम तिव्र रुपले अघि बढाएका छन् । उनीहरुले आज सवै समितिको प्रतिवेदन बुझाउने भएका छन् । विभिन्न ६ वटा उपसमिति बनाएर अघिल्लो संविधानसभाका प्रतिवेदनमा सहमति/असहमतिका विषय छुट्टयाउने काम भईरहेको उपसमितिले जनाएको छ ।