विद्रोही समूहद्धारा एक जातीय समूहका सयौं व्यक्तिको हत्या

वैसाख ९, एजेन्सी–सुडान दक्षिणी सुडानको बेन्टीयुमा विद्रोही समूहले एक जातीय समूहका सयौं व्यक्तिको हत्या गरेको छ । संयुक्त राष्ट्रसंघका अनुसार गत हप्ता बिद्रोहीले नियन्त्रणमा लिएको एक जातीय समूदायका सयौं व्यक्तिको हत्या गरेको हो । प्राकृतिक तेलको खानी रहेको बेन्टीयु क्षेत्रमा रहेका अस्पताल, मस्जिद र चर्चबाट बिद्रोही समूहले सर्वसाधारणलाई नियन्त्रणमा लिएको थियो । दक्षिणी सुडानमा रहेको संयुक्त राष्ट्र संघको मिसनले त्यहाा बिद्रोह गरिरहेको समूहले स्थानीय रेडियो नियन्त्रणमा लिई स्थानीयलाई बेन्टीयु जान र पुरुषहरुलाई महिलामाथि बलात्कार गर्न निर्देशन दिएको थियो । स्थानीयमाथि धावा बोल्ने समूह बिद्रोही नेता रिएक मचारका समर्थक रहेको अनुमान गरिएको छ । सुडानमा राष्ट्रपति साल्भा किर र पूर्व उपराष्ट्रपति रिएक मचारबिच युद्ध चलिरहेको छ । यी दुवै नेताका आ–आफ्ना समूह स्थानीय स्तरदेखि राष्ट्रिय सम्म लडाईगरिरहेका छन् ।