वैसाख ७, झापा–नेपाली कांग्रेसको मेची–महाकाली जागरण अभियान अन्तर्गत आज झापामा कार्यकर्ता प्रशिक्षण तथा भेला हुादै छ । कार्यक्रममा मेची अन्चलका सबै जिल्लाका कार्यकर्ता सहभागी हुादै छन् । कांग्रेसको नीति तथा प्रशिक्षण प्रतिष्ठानले स्थानीय निकायका कार्यकर्ताहरुलाई पार्टीको आगामी कार्यक्रमबारे जानकारी दिने उद्देश्यले मेची महाकाली जागरण अभियान थालेको हो । पहिलो चरणमा महाकालीको महेन्द्रनगरबाट सुरु भएको अभियान बुटवल आएर समापन भएको हो । दोस्रो चरण अन्तर्गत आजबाट पूर्व क्षेत्रबाट प्रशिक्षण सुरु गर्न लागिएको प्रतिष्ठानका संयोजक एवम् कांग्रेस उपसभापति रामचन्द्र पौडेलले जानकारी दिनुभयो । आज झापाको बिर्तामोडबाट सुरु हुने दोस्रो चरणको अभियानको सभापति एवम् प्रधानमन्त्री सुशील कोइरालाले उद्घाटन गर्नु हुने छ । कांग्रेस उपसभापति पौडेलले कांग्रेसको यो अभियानले नेपालको राजनीतिमा नयां संस्कार बसाउने बताउनुभयो ।
