वैसाख ५, मोरङ– मोरङमा गत वर्ष साउनदेखि चैत मसान्तसम्ममा सवारी दुर्घटनाबाट ५८ जनाको मृत्यु भएको छ। सो अवधिमा पााच सय १३ वटा सवारी दुर्घटना भएको र दुर्घटनामा परी दुई सय १७ गम्भीर र ३१४ जना सामान्य घाइते भएको बताइएको छ । दुर्घटनामा सबैभन्दा बढी मोटरसाइकल २८४ ट्रक ३३, बस ४६, जिप– कार–भ्यान ६२, ट्रयाक्टर ३३, टेम्पो ४६ तथा रिक्सा– ठेला ४९ वटा परेको जिल्ला ट्राफिक प्रहरी कार्यालय विराटनगरले जनाएको छ । सो अवधिमा ४३ हजार ३७ विभिन्न प्रकारका सवारी साधन कारबाहीमा परी एक करोड नौ लाख ३४ हजार ६ सय राजस्व सङ्कलन भएको बताइएको छ ।
